مكياج سهل وبسيط

جبت لكم ميك اب لعيونكم كتير كتير حلو

هديه لكم وكل بنات المنتدى مكياج سهل وبسيط وسريع

تكون خطواتي سهلة للتطبيق..
هذا المكياج يعتمد على لون واحد فقط من الآي شادو والكحل .. وممكن تغلظين او تخففين كمية الكحل والآي شادو المستخدمة على حسب المناسبة اللي رايحتلها والوقت .. فممكن تستخدمينه الصبح بخط رفيع من الكحل وكمية اخف من الآي شادو أو يكون لحفلة بسيطة أو زيارة مع رسم خط اعرض من الكحل- بس انتبهي انه مايكون عريض وايد- وتكثيف الآي شادو ..

نبتــــدي بالتــطــبــيــــق :

1- أول شي ابتدي وزعي كريم الأساس على الوجه بأطراف الاصابع وتأكدي انه يغطي الوجه كامل وحاولي توزعينه بشكل جيد بأنج تدمجينه اكثر مع البشره كأنج تحطين كريم عادي .. وخصوصا على المنطقه اللي بجانب الشفاه لان البعض يلاحظون بعد فتره ان في طبقه من كريم الاساس تتجمع في هالمنطقه وتحتاج الى مسح .. ولاتزيدين الكميه إذا احتجتي ممكن تزيدين بس لاتزيدين من أول مره..اتركيه لمده دقيقه لين ماتحسين انه شوي جف عالبشرة.
انا استخدم كريم اساس ماكس فاكتور لانه خفيف وفي نفس الوقت يغطي العيوب وهو رائـــــــــــــــــــــــــــــع..

بعده.. حطي نقط من الكونسيلر حول العين وادمجيه بلطف ( الكونسيلر السائل من MAYBELLINE حلو وانا استخدمه لانه خفيف ومضاف له واقي من الشمس) بعد الكونسيلر لانه سائل محتاج ينشف شوي.

اخر خطوه وزعي البودرة المضغوطة على الوجه ( انا استخدم بودرتين: الاولى من LANCOME وهي درجة اغمق من لون بشرتي واحطها على ويهي كامل واخلي المنطقه اللي حول العين ، والبودرة الثانيه من Kanebo وهي درجة افتح من لون بشرتي واحطها حول العين بخفه مع محاولة دمجها بالكونسيلر عشان لايسيح ، ومرريها بخفه على عظمة الانف وباقي البودرة اللي متوافره عالاسفنجه ادمجيها مع البودره الاغمق بطبطبات فقط و بخفه وبتمرير سريــــع بــس .. يعني عالماشي)
مكياج سهل وبسيط مرحبــــا بنـــات .

هذا كريم الأساس MAX FACTOR - العلبة الزرقا هي بودرة LANCOME - العلبة الذهبية هي بودرة
KANEBO
مكياج سهل وبسيط Vy4Job05081000

هذا الكونسيلر من MAYBELLINE - والبلاش من Guerlain ورقمه 525
مكياج سهل وبسيط 9vP8KZ05081002

اسنخدمي محدد للشفاه بلون الشفايف الطبيعي - وأحمر الشفاه اللي لونه روعه وطبيعي وانصحكم تجربونه هو من NIVEA واسمه 05 Rosy Satin - وممكن تدمجينه بالفرشاه بشووية روج بيج يكونلج طبيعي أكثر أو ممكن تستخدمينه لحاله
مكياج سهل وبسيط HHdnyi05081022

الآي شادو اللي بنشتغل عليه اليوم لون جدا رائــــــع وطبيعي فيه لمعه خفيفــة وهو من RIMMEL - 030 SMOKEY QUARTZ
مكياج سهل وبسيط YBvO8605081004

اول شي بعد الانتهاء من توزيع البودرة هو رسم العين بالكحل وممكن تستخدمين كحل LANCOME اوRIMMEL -او اي نوع تحبينه و ترسمين خط فوق الجفن المتحرك مع خط الرمش وعلى جوانب المدمع من الخارج مثل الرسمه وعلى حسب العين ممكن تنزلين خط المدمع باتجاه الانف .. وكذلك تمدين الكحل الى زاويه العين الخارجيه مع رسم خط صغير تحت ويكون مكمل لخط الجفن المتحرك

مكياج سهل وبسيط Gnn33d05081004

بهذي الاسفنجة وهي لتمديد الكحل تمشين على الخط الاساسي وتحاولين تسيحينه للأعلى شوووي ابتداء من زاوية العين الداخلية وانتي طالعة عالزاوية الخارجية ونازلة عالخط اللي تحت .. ومدي الرسم الى جوانب العين الخارجية قليلا . في اسفنجات تجي مع الكحل من الناحية الثانية مثل كحل شانيل .. وممكن انتي تستخدمين الاسفنجة اللي لحالها مثل اللي استخدمها في الصورة وهي من The Body Shop
مكياج سهل وبسيط 9LMrKp05081008

ابتدي وضع الآي شادو بواسطة اسفنجة الشادو الصغيرة على الجفن المتحرك كامل من الزاوية الداخلية وحتى الخارجية وخليه قريب لخط الكحل وادمجي اقرب خط من الكحل مع الآي شادو لكن لاتتعمقين في الكحل وخليه يكون واضح
مكياج سهل وبسيط DrfdOH05081010

بالاصبع او بالاسفنجة قومي بتدريج الظل قليلا على الجفن الثابت .. وتلاحظين ان التدريج يزداد كل ما اتجهنا إلى زاوية العين الخارجية .. وطبعا كل ماكانت هناك مساحة بين العين والحاجب يزداد التدريج.. وهذا اللون سهل جدا في التدريج بمجرد مسحات بسيطه إلى الزاوية الخارجية بتحسين كأنج حاطه لونين .. وترى الدرجة افتح من اللي تشوفونه على الورقة لأن الورقة بيضا وايد والبشرة تكون عالبيج سواء كانت بيج فاتح او حنطي .. بس مهم تتأكدين إن مايكون في جزء من الظل متجمع عالجفن المتحرك ومو متدرج عالجفن الثابث .. بلمسة خفيفه صعديه لأعلى
مكياج سهل وبسيط GJBg4v05081011

الحين زيدي كمية من الظل عالجفن الثــــــــابت فقـــط بلمسات من الاسفجنة لتكون اكثر دقة
وحطي آي شادو بيج او بنفس لون البشرة أو استخدمي البودرة المضغوطه وبواسطة اسفنجة لرسم خط دقيق تحت الحاجبين ليبرزهما وحاولي بعدها انج تمررين صبعج على تحت الحاجبين فوق الظل الفانح اللي حطيتيه عشان يصيرون كانهم طبيعيين
مكياج سهل وبسيط CZa7Ik05081012

سيحي الآي شادو مره ثانية بالاصبع في الخط اللي بين الجفنين الثابت والمتحرك من الزاوية الخارجية واعيدي رسم العين بالكحل بالضبط مثل ماسويتي اول مره ولكن هالمره بدون ماتسيحين الكحل
مكياج سهل وبسيط 4cnQNL05081012

وفي هالخطوة ممكن تزيدين كمية الكحل على حسب المناسبة وإذا تحبين تحطين كحل داخل العين ممكن واذا عينج صغيره لا تحطين داخلها .. وممكن اذا حواجبج تحتاج تضبيط تضبطينها بكحل الحاجب باللون البني او الاسود وتمشطينهم
مكياج سهل وبسيط DyfpAU05081013

واخر شي الماسكارا وانا استخدم Double Extension من L'OREAL وهي رائعــة بعد استخدام الطبقة البيضاء ضعي طبقتين او ثلاث من الطبقة السوداء من بداية الرمش وانتي طالعه الى الزاوية الخارجية للعين.. ولمسات قليلة على الرموش السفلى ويطلع كأنج حاطة رموش صناعية
آخر شي امسحي مسحة خفيفة من البودرة المضغوطة تحت العين لإبرازها اكثر وثم البلاش والمحدد واحمر الشفاه

خطوات فقط، بتكونين حاطة eye shadow ب3 تدرجات من الألوان على عيونج
بس بمسحة بسيطة.

مكياج سهل وبسيط Uaewomen-e9db1f6cd2

المنتج الواحد فيه 5 حبات من نفس اللون (يعني 5 أزواج) اسمحولي بس ما أقدر انوع الألوان في نفس العلبة..
وكل علبة 55 درهم فقط..

صورة من تصويري الخاص

مكياج سهل وبسيط Uaewomen-81d74e5fab

هالألوان الموجودة، عطوني رقم اللون و الكمية وفالكم طيب

» طي قه وضع مكياج العيون
» مكياج سواريه
» مكياج يجنن
» مكياج الممثلات
» مكياج عرائس 2009